GESANG 227

1. JESUS NEEM DIE SONDAARS AAN !    
   BRING AAN ALMAL HIERDIE TYDING -    
   WAT NOG OP DIE DWAALWEG GAAN      
   VAN DIE SONDE EN VERLEIDING;      
   DIEP IS HY OOR HUL BEGAAN -       
   JESUS NEEM DIE SONDAARS AAN !      
                                        
2. NIKS HET ONS BY U VERDIEN,      
   MAAR DIE EVANGELIETYDING        
   LAAT ONS GODS ONTFERMING SIEN      
   IN SY SEUN SE BITTER LYDING.      
   ONS KAN NOU NA JESUS GAAN,       
   WANT HY NEEM DIE SONDAARS AAN !     
                                        
3. SOOS 'N HERDER SOEK DIE HEER     
   NA DIE SKAAP WAT AFGEDWAAL HET;     
   BRING DIT NA SY KUDDE WEER,       
   WAARVOOR HY SO DUUR BETAAL HET.     
   HY LAAT GEEN VERDWAALDE STAAN -     
   JESUS NEEM DIE SONDAARS AAN !      
                                        
4. KOM NOU ELKEEN, KOM NA HOM;     
   SONDAAR, KOM, IN SKULD VERLORE !    
   JESUS ROEP JOU, JY MOET KOM !      
   DEUR GENADE WEERGEBORE,         
   MAG OOK JY NA JESUS GAAN,        
   WANT HY NEEM DIE SONDAARS AAN !     
                                        
5. JA, DIT GEE MY DIE NUWE MOED    
   - IN BEROU OOR AL MY SONDE -      
   DAAR IS REDDING IN SY BLOED       
   EN GENESING DEUR SY WONDE !       
   DAAROP KAN EK ALTYD STAAN:       
   JESUS NEEM DIE SONDAARS AAN !      
                                        
6. HY, MY HEILAND, SPREEK MY VRY,    
   AS DIE SATAN MY BESKULDIG;       
   HY WAT REGTER IS OOR MY,        
   HET MY STRAF GEDRA, ONSKULDIG.     
   EK SAL NIE VERLORE GAAN -        
   JESUS NEEM DIE SONDAARS AAN.